025 жылдың 23 сәуірінде Қарағанды жоғары гуманитарлық колледжінің базасында «Бастауыш сыныптарды оқыту» құзыреті бойынша 9-сынып оқушылары арасында «JasSkills» өңірлік кәсіби шеберлік чемпионаты өтті.
Іс-шара Қарағанды облысының білім басқармасының жоспарына сәйкес, Қарағанды облысында білім беруді дамытудың оқу-әдістемелік орталығы және Қарағанды жоғары гуманитарлық колледжі ұйымдастыруымен өткізілді.
Чемпионатты Қарағанды жоғары гуманитарлық колледжінің директоры Уатаева Гүлмира Сұлтанмұратовна ашып, қатысушыларға сәттілік тілеп, жылы лебізін білдірді.
Чемпионат «Жұмысшы мамандықтары жылы» және «Педагогикалық сынып» жобасы аясында өтті. Мақсаты – оқушыларға мұғалімдік мамандықты таныстырып, кәсіби бағдар беру.
Финалға 11 оқушы қатысып, келесі төрт модуль бойынша өз шеберліктерін көрсетті:
1. «Мен – жаңа форматтағы бастауыш сынып мұғалімімін» – қатысушылар 1 минуттық бейнеролик арқылы өзін қазіргі заманғы мұғалім ретінде таныстырды (сыртқы бағалау).
2. «Super Ped Star!» – TEDx форматындағы презентация. Қатысушылар білім берудегі заманауи мәселелер туралы ой қозғап, жеке көзқарастарын ортаға салды (ұзақтығы 3–5 минут).
3. «Smart quiz» – IT Gimkit платформасында ұйымдастырылған онлайн блиц-турнир. 20 сұраққа 10 минут ішінде жауап берілді.
4. «Prospective teacher» (Болашақтағы мұғалім) – қатысушылар болашақтағы мұғалімнің бейнесін макет түрінде ұсынып, жобаларын қорғады.
Нәтижесінде:
• 1 орын – Ахмет Кәусар Жасұланқызы (№65 ЖББМ),
• 2 орын – Марат Алижан Бейбітұлы (Көкпекті ЖББМ),
• 3 орын – Таупық Марғұлан Нұрланұлы (Көкпекті ЖББМ).
Жеңімпаздар мен жетекшілері дипломдармен марапатталды. Барлық қатысушыларға сертификаттар табысталды.